Bir çox tələbə xaricdə ali təhsil almaq üçün uşaqlıqda səyahət etməyi arzuladığı ölkəni seçir. Məlumdur ki, artıq beynəlxalq təhsil və təcrübə proqramları, təqaüd şansları, dil kursları bütün gənclərin istədikləri ölkə seçimini etməyə imkan yaradır. Xüsusilə də, Böyük Britaniya və Şimali İrlandiya Birləşmiş Krallığı – İngiltərə seçimini!
Nüfuzlu universitetləri, zəngin mədəni irsi və tarixi əhəmiyyəti ilə məşhur olan İngiltərə uzun müddətdir ki, yüksək səviyyəli təhsil almaq istəyən tələbələr üçün ən çox seçim edilən məkanlardan birinə çevrilib. Məlumdur ki, İngiltərə universitetləri artıq bir çox dünyasəviyyəli universitetlər siyahısında ilk yerləri tutur.
Chevening təqaüd proqramı haqqında
Dünyanın hər yerindən olan beynəlxalq tələbələrə təklif olunan bütün Böyük Britaniya təqaüdləri arasında Chevening ən nüfuzlu və ən rəqabətədavamlı təqaüdlərdən biridir. Bu təqaüd proqramı tələbələrə tam maliyyələşdirilən təhsil təklif etməklə yanaşı olaraq, Birləşmiş Krallıq ilə əlaqələri daima inkişaf etdirə bilmək üçün unikal bir imkandır.
Müəyyən təşkilatlar tərəfindən maliyyələşdirilən Chevening Təqaüdü liderlik potensialı və güclü akademik keçmişi olan şəxslərə verilir. Bu təqaüd proqramı istənilən Böyük Britaniya universitetində, istənilən uyğun magistr dərəcəsində təhsil almaq üçün tam maliyyə dəstəyi təklif edir.
Təfərrüatlar: Chevening təqaüd proqramı
- Ölkə: Birləşmiş Krallıq
- Dərəcə: bakalavr və magistratura
- Təqaüd təminatı: Tam Təqaüd- Tam Maliyyə
- Son müraciət tarixi: 7 Noyabr 2023
Chevening təqaüd proqramı üçün uyğunluq meyarları
- Bu təqaüd proqramına müraciət etmək üçün müəyyən şərtlər tələb edilir. Bunlar aşağıdakılardır:
- Bakalavr və ya magistratura təhsilini tamamlamaq
- Minimum 2800 saat iş təcrübəsinə malik olmaq
- Ən azı 1 İngiltərə universitetindən qəbul almaq
- Təhsil müddəti bitdikdən sonra minimum 2 il öz ölkənizə qayıtmaq
Necə müraciət etmək olar?
Siz onlayn rəsmi portalda açılan siyahıdan ölkənizi seçərək Chevening Təqaüdünə müraciət edə bilərsiniz. Ərizənizi təqdim etdikdən sonra sizin ərizəniz təqaüd proqramının uyğunluq meyarlarına əsasən qiymətləndiriləcək. Daha sonra uyğun hesab edilən ərizəçilərin uzun siyahısı yaradılacaq. Bütün ərizəçilər ciddi seçim prosesindən keçirlər.
Əgər sizin adınız həmin siyahıda mövcuddursa, o zaman sizi müraciət etdiyiniz ölkədəki Böyük Britaniya səfirliyində müsahibədə iştirak etmək üçün dəvət edəcəklər. Bu üz-üzə müsahibələr şəxsi və peşəkar bacarıqlarınızı və məqsədlərinizi əhatə edəcək suallardan ibarət olacaq. Müsahibə ingilis dilində aparılır. Sonda müsahibəniz qlobal Chevening meyarlarına uyğun şəkildə qiymətləndirəcək və ən uyğun namizəd bu təqaüd proqramının qalibi olmağa layiq görüləcəkdir.
Chevening təqaüdü- Maliyyə Dəstəyi:
Chevening dünyanın hər yerindən olan tələbələr üçün Tam Maliyyələşdirilən Təqaüd proqramıdır. Bu proqram seçilmiş namizədlərin bütün xərclərini qarşılayacaqdır.
- Təhsil haqqı
- Aylıq yaşam xərcləri
- Gediş-gəliş biletləri
- Viza xərcləri
- Siz həmçinin xüsusi tədbirlərə, seminarlara, təcrübələrə və könüllülük imkanlarına çıxış əldə edəcəksiniz.
Böyük Britaniyanın aparıcı universitetində TAM təqaüdlü şərtlərlə təhsili almaq üçün vaxt itirmədən elə bu gün müraciət edin!
İngiltərədə təhsillə bağlı ətraflı məlumat üçün əvvəlki məqaləmizi də oxuya bilərsiniz!
